Анжелина Жоли: Брэдээс салаад сэтгэлдээ сөхөрсөн ч эргээд боссон
Урлаг
45 настай жүжигчин Анжелина Жоли Брэд Питтээс салсныхаа дараа туулсан зүйлийнхээ талаар ярьжээ.
Холливудын сайхан хосуудын нэг байсан тэд зургаан хүүхдээ хэн нь өөр дээрээ авах талаар одоо ч шүүхийн маргаантай байгаа аж.
Том хүү нь насанд хүрсэн тул өөрөө сонголт хийнэ, харин бусад тав нь аав, ээж хоёрынхоо хэнтэй нь байхыг шүүх шийднэ.
Жоли Брэд Питтээс салсныхаа дараа сэтгэлзүйн хувьд сөхөрсөн ч эргээд хөл дээрээ боссон гэж ярьжээ.
Тэрбээр нөхрөөсөө салсныхаа дараа кино найруулах ажилдаа эргэн орж, аль болох гэртээ суухгүйг хичээснээр сэтгэлийн шархаа даван туулсан гэнэ.
Одоо Жоли жүжигчний ажилдаа ч эргэн оржээ.
Жолигийн тоглосон "Those Who Wish Me Dead" кино нээлтээ хийх гэж байгаа юм.
