Япон дизайнер ковидын үед төгс тохирсон нарны шилийг бүтээжээ
Шинжлэх Ухаан
Япон нэгэн дизайнер хүний нүүрийг бүрэн халхалдаг нарны шил зохион бүтээжээ. Энэхүү баг гэж хэлж болохоор шил нь агаар дахь нян бактер төдийгүй хэт ягаан туяанаас хүртэл хамгаалдаг аж. Тиймээс цахим ертцөнцөд хэрэглэгч нар тус бүтээлийг цар тахлын үед төгс тохирсон бүтээгдэхүүн гэж нэрлэсэн байна.
ZGHYBD хэмээх компанийн гаргасан тус "тольтой" шил нь манан, ус, хэт ягаан туяаны хамгаалалттай аж. Хөнгөн хуванцараар хийгдсэн учраас зүүгээд явахад тун эвтэйхэн бөгөөд тусгай хамар дээр наадаг жийргэвч боолт дагалддаг аж. Үйлдвэрлэгчийн мэдээлж байгаагаар тус шилийг илүү бат бөх хуванцараар хийсэн тул тийм ч амар зурагдаж эсвэл хагарахгүй гэнэ.
Энэхүү шилийг орчин үеийн технологийн тусламжтай бүхий л нүүрний хэлбэрт зориулан гаргах боломжтой гэнэ.
Одоогийн байдлаар та тус шилийг Amazon-оос захиалах боломжтой аж. Саарал, улаан, цэнхэр, улбар шар гэсэн өнгөний сонголтоой бөгөөд ерөнхий үнэ нь 2000 иенээс эхлэх гэнэ.
