Э.Бат-Үүл: Л.Оюун-Эрдэнэ, Х.Нямбаатар нар ардчилсан орны Засгийн Газар ямар байх ёстой үлгэр жишээг үзүүллээ
Улс Төр
Үнийн өсөлтийг эсэргүүцсэн залуучуудын төлөөлөл Сүхбаатарын талбайд хоёр дахь өдрөө тайван жагсаал зохион байгуулж байгаа. Өнөөдөр Ерөнхий сайд Л.Оюун-Эрдэнэ жагсаалд оролцогчидтой төв талбайд гарч ирж уулзан, тавьж буй шаардлагыг хүлээж авсан юм. Тэгвэл уг үйл явдлын талаар хотын дарга асан Э.Бат-Үүл өөрийн твиттер хуудсаараа дамжуулан "Монголын ардчиллын шинэ үе иржээ" хэмээн байр сууриа илэрхийлжээ.
Тэрбээр, "Ерөнхий сайд Л.Оюун-Эрдэнэ, Хууль зүй дотоод хэргийн сайд Х.Нямбаатар нар, ардчилсан орны Засгийн газар ямар байх ёстой үлгэр жишээг үзүүллээ! Эрхээ эдэлж байгаа манай залуус ч ямар соёлтой юм бэ? Монголын ардчиллын шинэ үе иржээ!" хэмээн жиргэжээ.
Холбоотой мэдээ
