Хүний ам дагаж намирч байгаа ч юм биш, новшийг нь эртнээс мэднэ
Нийгэм
Г.Уянга:
Хүний ам дагаж намирч байгаа ч юм биш, новшийг нь эртнээс мэднэ
Иргэн Б.Сүндэръяагийн нэр хаяггүй бичсэн пост УИХ-ын гишүүнийг эргүүлэн татах, цаашлаад хүчирхийллийн эсрэг #METOO хөдөлгөөн болон орон даяар өрнөж байна. Тэгвэл УИХ-ын гишүүн асан Г.Уянга өөрийн цахим хуудсандаа энэ тухай ийнхүү бичжээ. Тэрээр:
“Хүний ам дагаж намирч байгаа ч юм биш, новшийг нь эртнээс мэднэ. Н.Энхбаярыг соёлын сайд байхад туслах нь байсан ч бил үү, Горькийн утга зохиолын дээдэд сурч байсан ч гэл үү, сүүлд НИК-ийн захирал байсан санагдаж байна.
Ийглд байхдаа НИК, шатахуунтай холбоотой асуудлаар яриа авъя гэсэн татгалзсан, орой ажил тарахын хирд “Одоо ирж авбал ав!” гэсэн. Зураглаачаа дагуулаад давхиад очсон, юун яриа өгөх, баахан сонин хүүхнүүдтэй нэлээд согтуу ажлынхаа өрөөнд сууж байсан. Манай зураглаач бид хоёр дургүй хүрээд шууд орхиж явсан. Олон ч хүнээс олон ч юм сонссон.
Сүнээ хэн байх нь хамаагүй, Анандбазар хүчирхийлэгч нь, донтой нь үнэн юм байна. Би түүнд ёс суртахуун гэж юу ч байхгүйг бол гадарлах болсон.
Ийм дордын дор амьтан бүхний дээр, төрийн сүлдэн доор, төрийн цагдаагаар мануулан эрхэм дээд суудал суугаа нь Монголчуудын тавилан юм байх даа!
Гэхдээ Анандбазар төрийн ордон доторх цор ганц новш нь биш шүү дээ!” гэжээ.
Холбоотой мэдээ
