"Ерөнхий сайдыг нэр хүндэд халдсан гэж үзэж 100 сая төгрөг нэхэмжиллээ"
Улс Төр
УИХ-ын дэд дарга С.Одонтуяа мэдээлэл хийлээ.
Тэрээр Ерөнхий сайд Л.Оюун-Эрдэнийг нэр хүндэд халдсан хэмээн шүүхэд хандаж, 100 сая төгрөг нэхэмжилж буй тухайгаа хэллээ.
Тухайлбал тэрээр,Тавдугаар сарын 10-ны өдөр Засгийн газрын 100 хоногт хийсэн ажлыг тайлагнасан. Энэ үеэр Ерөнхий сайд Л.Оюун-Эрдэнэ миний нэр хүндэд халдсан. ХУД-ийн иргэний хэргийн анхан шатны шүүхэд би нэхэмжлэл гаргасан.
Хэн дуртай хүнийхээ утсыг чагнаж, нотолгоогүйгээр гүтгэлэг явуулах нь туйлын хариуцлагагүй үйлдэл. Шүүхээс хэнийг ч гэм буруутайг эцэслээгүй байхад сөрөг хүчнийхээ, тэр дундаа УИХ-ын Дэд даргын нэр хүндэд халдсан нь туйлын хариуцлагагүй асуудал.
Ийм явдал ахин гаргахгүйн тулд энэ асуудлыг эцсээ хүртэл хөөцөлдөнө. Нэр төрөө сэргээлгэнэ” гэлээ.
