30 мянган жилийн өмнө устаж үгүй болсон арслан зааны үсээр малгай хийж зардаг эрэгтэй. Якутын оршин суугч Владимир Аммосов
Сонин Хачин
Хэрэв та дэлхийн хэнд ч байхгүй өвөрмөц гоёл чимэглэл цуглуулах дуртай бол Якутын оршин суугч Владимир Аммосовын худалдаанд гаргасан малгайг сонирхож үзэх хэрэгтэй.
Энэхүү ер бусын малгай нь жинхэнэ арслан зааны ноосоор бүтээгдсэн бөгөөд дэлхий дээр түүнтэй адилтгах зүйл байхгүй!
Якутскийн 44 настай барилгачин мэргэжилтэй хэдий ч энэ малгайгаа нэхэж нэгийг нь 10 мянган доллараар зардаг.
Энэ малгай нь маш дулаахан бөгөөд ноосны жинхэнэ эсэхийг баримтжуулж чадна гэж баталгаа өгч байгаа юм.
Түүний дотны найз энэ ноосыг арслан зааны оршуулгын газраас цуглуулж, дараа нь Владимирт зарсан байна.
Тэр хэнийг ч хуураагүй бөгөөд гэрчилгээгээр баталгаажуулж чадна гэж бардам хэлж байгаа юм.
Тэр гар урлаач нэг эмэгтэйн хамт малгайгаа хамт гараар хийдэг бөгөөд ийм зүйл дэлхий дээр нэг ч байхгүй гэж Аммосов тайлбарлажээ.
Энэхүү гоёл чимэглэлийг Якутын уламжлалт хэв маягаар хийдэг.
Морины ноосоор хийдэг малгайтай ижил загварааар урладаг бөгөөд ийм загварын малгайг баяр ёслолын үеэр Якутын бүх эрчүүд өмсдөг.
Энэ малгайг үнэхээр эртний амьтны ноосоор хийсэн гэж арслан зааны музейн захирал Семён Григорьев батлав.
Нэгэн археологич арслан зааны ноосыг бусад амьтнынхаас ялгахад амархан маш хатуу, тодорхой бүтэцтэй үстэй байдаг гэж тайлбарлажээ.
Владимир Аммосовт баталгаат гэрчилгээ олгохоос нь өмнө судалгаа хийж, микроскопоор жинлүүрүүд хэрхэн байрлаж байгааг судалж үзсэн бөгөөд энэ бол туйлын арслан зааны үс байв.
Уст-Янскийн бүс нутагт оршдог мөнх цэвдэгт эртний арслан заануудын “оршуулгын газар” байрладаг.
Арслан заанууд 30 мянга орчим жилийн өмнө устаж үгүй болсон бөгөөд энэ малгайг үйлдвэрлэх явцад нэг ч амьд амьтан гэмтээгүй байна.
Холбоотой мэдээ
