Ажилтнаа зодсон "МИАТ"-ийн хэлтсийн даргыг чөлөөлжээ
Нийгэм
"МИАТ" компанийн Зорчигч үйлчилгээний хэлтсийн дарга С.Батсүх ажилтнаа бейсболын төмөр цохиураар хүчтэй цохиж, зодож буй бичлэг олон нийтийн сүлжээнд тарсан.
Уг асуудалтай холбоотойгоор МИАТ ТӨХК-иас мэдэгдэл гаргасан байна.
Тус мэдэгдэл "Цахим орчинд тархаад буй МИАТ ТӨХК-ийн Зорчигч үйлчилгээний хэлтсийн дарга С.Батсүхийн ажилтантайгаа зүй бус харьцаж буй үйлдэлд хариуцлага тооцож ажлаас нь чөлөөлж, хуулийн байгууллагаар шалгуулахаар шилжүүлж байгааг мэдэгдэж байна" гэжээ.
С.Батсүх нь ИНЕГ-ын дарга Л.Бямбасүрэнгийн дүү гэх мэдээлэл бий.
"Иргэний агаарын тээвэр дэх цагдаагийн хэлтэс уг асуудлыг шалгаж эхэлсэн"
Дээрх бичлэгийн талаар ЦЕГ-аас тодруулахад"Цахим орчинд нийтлэгдсэн мэдээлэлтэй холбогдуулан Иргэний агаарын тээвэр дэх цагдаагийн хэлтэс уг асуудлыг гомдол, мэдээллийн бүртгэлд авч, шалгалтын ажиллагааг явуулж эхэлсэн" гэсэн тайлбар өглөө.
Холбоотой мэдээ
