Гурван өдрийн гашуудал зарлав
Нийгэм
ПЕТРОПАВЛОВСК-КАМЧАТСКИЙ. /RIA Novosti/. ОХУ-ын Камчаткийн хязгаарын захирагч Владимир Солодов зорчигч тээврийн Ан-26 нисэх онгоц осолдсонтой холбогдуулан тус бүс нутагт гурван өдрийн гашуудал зарлалаа.
“Камчаткийн хязгаарын нутаг дэвсгэрт долоодугаар сарын 7, 8, 9-ний өдрүүдыг гашуудлын өдрөөр зарлаж байна” гэж Солодов мэдэгджээ.
Гашуудлын өдрүүдэд бүс нутгийн хэмжээнд ОХУ-ын төрийн далбаа, Камчаткийн хязгаарын далбааг бөхийлгөх бөгөөд радио, телевизийн компаниуд, соёлын байгууллагуудад зугаа цэнгэлийн хөтөлбөр, арга хэмжээгээ цуцлахыг санал болгосон байна.
Зорчигч тээврийн Ан-26 нисэх онгоц мягмар гарагт Петропавловск-Камчатский хотоос Палана тосгон руу нислэг үйлдэж байхдаа осолдсон байна.
Онгоцны бүхээгт багийн зургаан гишүүнийг оруулаад нийт 22 хүн байжээ.
Онгоц хүрэх газраасс 10 км-ийн зайд холбоо тасарсан байна. Онгоцны сэгийг нисэх онгоцны буудлаас 3.8 км зайтай газраас олжээ.
Унахаасаа өмнө онгоц хад асгатай мөргөлдөж, хэлтэрхий нь Агнуурын тэнгист унасан байж болзошгүй байна.
Урьдчилсан мэдээллээр онгоцонд байсан 28 хүн бүгд өөд болсон байна.
Одоогоор ослын шалтгааны талаар албан ёсоор мэдээлэл өгөөгүй байна.
Цаг агаарын таагүй байдлын улмаас үзэгдэх орчин муу үед жолоодлогын алдаа гарсан нь сүйрэлд хүргэж болзошгүй гэж таамаглаж байна.
Холбоотой мэдээ
