Тайландын Бангкок хот хуучин захуудаа шинээр зохион байгууллаа
Дэлхий
Бангкок хот 2015 оны 10-р сарын 20-нд Онг-Анг зах дахь 500 орчим хуучин дэлгүүр, лангууны барилга байгууламжийг нурааж, орон зайг шинээр зохион байгуулж эхэлсэн.
Мөн 2018 оны 6-р сараас 2019 он хүртэл үндэсний түүхийн дурсгалт газарт бүртгэгдсэн Сапан Хан (Хан гүүр) болон Онг-Ан сувгийн үзэмжийг сайжруулах төслийг эхлүүлсэн.
Энэхүү төсөл нь Онг-Анг сувгийг НҮБ-Фукуока Хабитат байгууллагаас 2020 онд "2020 Asian Townscape Awards" олон улсын шагналыг хүртэхэд хүргэсэн.
Гэсэн хэдий ч засварын ажил нь түүхийн суваг, хуучин захын ул мөрийг үлдээлгүй газар нутгийг бүхэлд нь өөрчилсөн гэж нутгийн иргэд, жуулчид үзэж байна.
Зарим хүмүүс үүнийг сайны шинж тэмдэг гэж үзэж байгаа ба энэ нутгийн эрэлт хэрэгцээ сайжирч, цаг хугацаа өнгөрөхөд жуулчдын очих дуртай газар болж магадгүй юм.
Одоо Бангкок хот Раттана Косин арлын эргэн тойрон дахь бусад түүхэн суваг болон Онг-Анг сувгийг модел болгон Бангкокийн бусад төслүүддээ ашиглаж байна.
Энд намайг төрснөөс хойш маш өндөр модон гүүр байсан. 1960, 1961 онд хүмүүс түрээслэх лангуу барихын тулд энэ газрыг дүүргэж эхэлсэн.
Энд өмнө нь модоор хийгдсэн гүүр байсан. Хүн гатлах үед энд тэнд эргэлддэг. Тиймээс бид үүнийг Сапан Хан (эргэдэг гүүр) гэж нэрлэсэн. Энд янз бүрийн дэлгүүр, модон дээвэртэй лангуунууд байсан.
Сэтгэл татам мэдрэмж төрж байна. Гадныхан ирж зургаа авахуулж, зугаалж байна. Япончууд ч үүнд дуртай. Тэд Хоккайдо хот Отару сувагтай төстэй гэж хэлсэн.
Сүүлийн 4-5 жил жуулчидын тоо буурсан. Энд ийм сайхан болоогүй байсан бол хэн ч ирэхгүй байсан. Бүх сурталчилгаагаар явган гудамжийг сурталчилж эхлэсэн. Бекхэм хүртэл энд зочилж байсан. Тиймээс одоо ид эрч хүчтэй болж, олон хүн зочилж эхэлсэн. Арилжаа наймаа ч сайн байна
Хэрэв бид шинэ зохион байгуулалтыг сайн талаас нь харвал муу биш. Энэ нутгийн хүмүүс зарим нэг цэгт амьдралаа залгуулж чадна
Зарим хүмүүс цэвэрхэн, эмх цэгцтэй болсонд дуртай байна. Гэвч олон худалдагч лангуугүй болсон тул хэцүүхэн байсан. Би энд 50-60 жилийн турш юм зарж байна. Манай аав, ээжийн үеийхнээс авхуулаад манай үеийхэн их ирдэг.
Япон үйлчлүүлэгч ирэхэд нь би таалагдаж байна уу гэж асуусан. Тэд надад тухайн үеийн хуучин хэв маягийг илүүд үздэг гэж хэлсэн. Надад бол бусад суваг шиг, өвөрмөц зүйл байхгүй байна.
Худалдаа наймааны хувьд бол өмнө нь илүү дээр байсан. Одоогоос 6-7 жилийн өмнө их л хөдөлгөөнтэй байсан. Тэд сурталчилж эхэлсэн хойш тийм ч муу биш байна. Анх нурааж эхлэхэд нь би эсэргүүцэж байсан. Гэвч энэ бол сайн дэвшил учраас үүнийг хүлээн зөвшөөрөх ёстой.
Эх сурвалж:
А24 мэдээний агентлаг
Холбоотой мэдээ
