ОХУ яагаад Казахстанд анхаарал хандуулж байгаа вэ?
Улс Төр
ОХУ яагаад Казахстанд анхаарал хандуулж байгаа вэ?
1. Орос, Казахстаны хил нь бараг 7000 км үргэлжилдэг бөгөөд энэ нь дэлхийн хамгийн урт үргэлжилсэн хуурай газрын хил бөгөөд Москвагийн аюулгүй байдлын стратегийн гол хүчин зүйл юм. Казахстаны улс төрийн тогтвортой байдал нь Оросын хувьд нэн чухал. Учир нь тэнд тогтворгүй байдал үүсвэл бараг хамгаалалтгүй шахам Оросын өмнөд хилд аюул занал учрах болно.
2. Өөр нэг чухал хүчин зүйл бол Байконур юм. Оросын өөрсдийнх нь сансарын буудал “Восточный” саяхан баригдсан бөгөөд одоогоор зөвхөн нисгэгчгүй нислэг үйлдэхэд ашиглагдаж байна. Байконурын хүчин чадлыг бүрэн нөхөх хүртэл Байконур Орост хэрэгтэй бөгөөд үүний тулд Казахстанд улс төрийн тогтвортой байдал нэн хэрэгтэй болно.
3. ОХУ-ын аюулгүй байдалд чухал ач холбогдолтой туршилтын талбай болох Сары Шаган нь мөн Казахстанд байрладаг. Энэ нь баллистик пуужингийн эсрэг системийг турших Еврази дахь анхны бөгөөд цорын ганц газар юм.
ЗСБНХУ задран унасны дараа Сары Шаган дахь зарим байгууламжийг ОХУ-д түрээсэлж, заримыг нь Казахстаны Радиоэлектроник, холбооны үндэсний төвд шилжүүлжээ. Энэхүү туршилтын талбайг ашиглах нь Оросын батлан хамгаалах хүчин чадалд чухал үүрэг гүйцэтгэдэг.
4.Казахстанд мөн Оросын томоохон үндэстний төлөөлөл байдаг. 3,5 сая орос үндэстэн тус улсын нийт хүн амын 18,4 хувийг эзэлдэг. Тэд Казахстаны нийгэмд нөлөө үзүүлэхээр бүтэц юм. Тиймээс тэдний аюулгүй байдал Оросын хувьд ихээхэн санаа зовоосон асуудал болоод байна.
Холбоотой мэдээ
