Эрдэмтэд эмийн ургамал устаж үгүй болохыг анхааруулж, боломжоороо тарьж ургуулахыг уриалж байна,
Нийгэм
Монгол оронд 7700 гаруй зүйл дээд доод ургамал мөөгийн хамт ургадаг байна.
Үүнээс цэцэгт ургамал нь 3100 орчим зүйл бөгөөд нийт зүйлийн гуравны нэг хувийг нь эмийн ургамал эзэлдэг.
Гэвч өнөөдөр уул уурхай, хотжилт, буруу ашиглалт зэрэг хүний болон байгалийн хүчин зүйлээс шалтгаалан эмийн ургамлын нөөц шавхагдаж алга болох эрсдэл бодитой болоод байгаа гэж эрдэмтэд үзэж байна.
Байгалийн ургамлуудыг хадгалаж хамгаалахгүй бол энэ янзаараа замбараагүй хэрэглээд яваад байвал 20 - 50 жилийн дараа байгалийн ургамлын нөөцгүй.
Бүгд хомсдоод цөлжилт, ган гачиг болох гол үндэс нь болох юм.
Ийм учраас бүгдээрээ эмийн ургамлаа түүж бэлдэхдээ зөв зохистой ашиглах мөн боломжтой бол зарим ургамлуудыг тарьж ургуулдаг байх хэрэгтэй гэж ШУА-н доктор Н. Одгэрэл хэлэв.
Яагаад эмийн ургамлын нөөц багасаж байгаа вэ гэвэл хүмүүс, аж ахуй нэгжүүд байгаль дахь нөөцийг шууд авч ашигладаг.
Нөөц бол олон янз.
Биологийн нөөц, ашиглалтын нөөц .
Ялангуяа ашиглалтын нөөц бол тун ядмаг багассан байдалтай байгаа.
Үүнийг шийдэх гол гарц бол эмийн ургамлаа тарьж ургуулах.
Тарьж ургуулсан ургамлыхаа түүхий эдийг эмийн түүхий эдэндээ авч ашиглаж эмийн хэрэглээгээ хангах .
Ийм л гол арга зам байгаа.
Байгаль дээрээс нь түүгээд эмийн ургамлын нөөц бол үнэндээ шавхагдаж алга болох эрсдэл өнөөдөр бодитой байгаа юм.
Ер нь байгалийн ургамал устах гол шалтгаанууд нь олон хүчин зүйлийн нөлөөгөөр ургамал хомсдох шалтгаан болж байна.
Үүнд уул уурхай, хотжилт, зам тээвэр, хүний хүчин зүйл, байгалийн хүчин зүйлүүд нөлөөлж байна.
Ийм учраас байгалийн ургамлуудыг хадгалаж хамгаалахгүй бол энэ янзаараа замбараагүй хэрэглээд яваад байвал 20 жилийн дараа ч юмуу 30 жилийн дараа бүүр цаашлах юм бол 50 жилийн дараа байгалийн ургамлын нөөцгүй.
Бүгд хомсдоод цөлжилт, ган гачиг болох гол үндэс нь болох юм.
Ийм учраас бүгдээрээ эмийн ургамлаа түүж бэлдэхдээ зөв зохистой ашиглах мөн боломжтой бол зарим ургамлуудыг тарьж ургуулдаг байх хэрэгтэй.
Зарим ургамлуудыг нь тарьж ургуулах боломжтой гэсэн олон жилийн судалгааны үр дүн бол гарсан байдаг.
Холбоотой мэдээ
