Элтон Жонны талаар та юу мэдэхгүй байж болох вэ?

 Жинхэнэ нэрээ өөрчилсөн

 Элтон (Геркулес) Жонны жинхэнэ нэрийг Региналд Кеннет Дуайт гэдэг ажээ. Жүжигчин маань 15 настайдаа нэрээ ингэж өөрчилсөн нь түүний бага, өсвөр нас нь аз жаргалгүй өнгөрсөнд байлаа. "Хэрэв ээж минь намайг Элтон гэж дуудаж чадаж байвал өөр бусдад мөн адил хэцүү биш байх болно" гэж тэр хэлж байжээ. Өөр нэгэн хувилбар байдаг нь хөгжимчин өөрийгөө саксофонч Элтон Дин, дуучин Жон Болдри нарын нэрээр нэрлэсэн гэдэг боловч түүний дундах нэр болох Геркулес нь Британийн алдартай ситкомын морины нэрээр нэрлэсэн ажээ.

 Гайхалтай ухаалаг хүүхэд байлаа

 Элтон Жон хөгжмийнхөө энэхүү авьяас билэг нь бүр эрт илэрч, гурван настайгаасаа төгөлдөр хуур тоглож сурсан бөгөөд "Тэшүүрийн вальс"-ыг сонсголоороо тоглож чаддаг байв. Жон 11 настайдаа Лондон дахь Хатан хааны хөгжмийн академид элсэн орж, 13 настайдаа найзуудынхаа хамтаар, сүүлд нь Bluesology нэртэй болсон The Corvettes-ийг үүсгэн байгуулжээ.

 Эрт эхлэсэн амжилт

 Удалгүй Bluesology баг АНУ-д аялан тоглолт хийж, клубүүдэд тоглож, цомог гаргаж эхэлсэн боловч, зөвхөн 1970-аад онд амжилт олж, үүнийхээ дараа Элтон Жон "Таны дуу" дуугаараа Атлантын далайн хоёр эргийн сонсогчдыг байлдан дагуулж чадсан юм. Дуучны гадаад дүр төрх, блюз, вуги-вугигийн элементүүдтэй хосолсон тоглолтын ачаар тус хамтлаг алдаршиж эхлэв. Хөгжимчид Английн шигшээ багийн хөлбөмбөгийн сүлд дууны бичлэгт оролцож, "Black Home" концептуаль цомог, "Rocketman", "Candle In The Wind" зэрэг хит дуунуудыг бичүүлж гаргажээ. Элтон Жон уран бүтээлийнхээ хугацаанд дэлхийн 80 гаруй оронд 3.5 мянга гаруй концерт тогложээ. Түүний дуунууд дэлхийн чартуудын эхний байрыг эзэлж, пянзнууд нь 300 сая хувиар борлогдож байлаа.

Санамсаргүй байдлаар гоцлол дуучин болов

 Элтон Жон өөрийн дуу хөгжмийн карьерынхаа талаар ярихдаа, анхнаасаа л төгөлдөр хуурч байсан учир түүний энэ амжилтыг гэнэтийн зүйл хэмээн нэрлэжээ. “Би Bluesology хамтлагийн гоцлол дуучин болохыг ерөөсөө хүсч байгаагүй. Намайг дуу бичиж эхлэхэд хүртэл [пянзны компаниуд] бидтэй хамтран ажиллахаасаа татгалздаг байлаа. Хүчээр л ингэж дуулуулж байсан болохоор би ёстой санамсаргүй байдлаар гоцлол дуучин болсон юм. Амьдрал гээч бидний огтхон ч хүсэж хүлээгээгүй тийм зүйлийг бидэнд гэнэт л шидэж өгдгөөрөө гайхалтай юм.  1970-аад онд миний карьер огцом дээшээ өссөн."

 Оскарын шагналыг хоёронтоо

 Элтон Жон анх удаа Диснейн "Хаан Арслан" хүүхэлдэйн киноны "Can You Feel The Love Tonight" дууны шилдэг дуугаар Оскарын шагналыг Тим Райстай хамт хуваан хүртсэн билээ. Хоёр дахь удаагаа тэрээр өөрийн салшгүй хамтрагч болох Берни Таупины хамт бичсэн "Би намайг дахин хайрлана" дуугаараа энэхүү шагнал хүртжээ. Түүгээр ч барахгүй тэд Тарон Эжертоны дүрийг бүтээсэн Элтон Жонны тухай "Рокетмэн" кинонд зориулж энэхүү балладыг зохиожээ.

 Ер бусын хоббитой

 Элтон Жонны дүр төрхийн онцлог нь гэвэл, нүдний шил бөгөөд түүнгүйгээр тэрээр олны өмнө бараг гардаггүй ажээ.  Хөгжимчний хувийн цуглуулгад олон төрлийн загвар бүхий 250 мянга гаруй нүдний шил байдаг нь тогтоогджээ.  Жишээлбэл, рококо хэв маяг, тэр ч байтугай машин шиг мини арчигчтай гэх мэтийн олон жишээг хэлж болно. Дуучны өөрийнх нь хэлсэнээр бол, тэрээр 13 настайгаасаа эхлэн энэхүү дагалдах хэрэгслээ байнга зүүж эхэлсэн бөгөөд энэ нь харааны бэрхшээлтэйдээ огт бус, харин тайзны гол тулгуур чимэг болгон зүүж байдагт гол учир нь байдаг юм. 2010 онд тэрээр iPhone гар утас худалдаж авахаасаа нүдний шилийг илүүд үздэг гэж мэдэгдэж байлаа.

 Төгөлдөр хуурыг эмэгтэйчүүдийн нэрээр нэрлэдэг

 Хөгжмийн зохиолчийн өөр нэг уламжлалт зүйл нь бол шинэ төгөлдөр хууруудаа Блоссом Дири, Ареты Франклин, Нина Симон, Диана Кролл зэрэг өөрийн дуртай жазз хөгжмийн дуучдын нэрээр нэрлэх зуршилтай болжээ.