"Маргаашаас хувийн хэргээр зорчих бүх хөдөлгөөнийг зогсоох чиглэлээр журам гаргасан"
Ковид-19
"Маргаашаас хувийн хэргээр зорчих бүх хөдөлгөөнийг зогсоох чиглэлээр журам гаргасан"
1 ЦАГ 49 МИНУТЫН ӨМНӨ
Бүх нийтийн бэлэн байдлын зэргийг 2021 оны тавдугаар сарын 8-ны өдрийн 06:00 цаг хүртэл сунгасантай холбогдуулан гаргасан журмаа Хууль зүйн сайд Х.Нямбаатар танилцууллаа.
- Хувийн хэргээр зорчих бүх хөдөлгөөнийг зогсоох чиглэлээр энэ журмыг зохицуулсан.
- Нийтийн тээвэр 07:00-09:00, 17:00-20:00 цагуудад зорчино.
- Үйл ажиллагааг нь хязгаарлааагүй байгууллагууд уг цагийн хязгаарлалтад тохируулж зохицуулалт хийх ёстой.
- Яаралтай түргэн тусламжийн төвийг хөл хорионы үеэр бүх хүчин чадлаар нь ажиллуулна.
- Төрийн байгууллагуудаас зөвхөн төрийн тусгай чиг үүрэгтэй байгууллагууд үйл ажиллагаагаа хэрэгжүүлнэ.
- Төрийн захиргааны байгууллагууд, нутгийн захиргааны байгууллагууд ирэх 14 хоногийн хугацаанд тэг зогсолт хийх хэмжээнд хөдөлгөөнийг хязгаарлана.
- Хувь хүний тээврийн хэрэгсэлд QR код өгөхгүй.
- Үйл ажиллагааг нь хязгаарлаагүй салбарын тээврийн хэрэгслээр зорчихдоо зөвхөн QR код бус ажлын тодорхойлолтоо хамт авч явна.
- Уг зөвшөөрлийг бусдад дамжуулсан бол цагдаагийн байгууллага QR кодыг газар дээр нь хүчингүй болгоно.
- Тээврийн хэрэгсэлд QR код олголт цагийн зохицуулалттай.
- Зөвхөн 07:00-09:00, 17:00-20:00 цагуудад зорчино.
- Эрчим хүч, дулаан, инженерийн хангамж, ариутгал, хот нийтийн аж ахуйд хамаарахгүй.
- Мөн хүнс үйлдвэрлэл, түгээлтийг аймаг, нийслэлийн захирамжаар тогтоосон горимоор зөвшөөрнө.
Түүнчлэн УОК цахимаар хуралдаж байгаа бөгөөд явганы хөдөлгөөнийг хязгаарлах тухай мэдээлэл байна.
