Хөлийн булчин яагаад зангирдаг вэ?
Эрүүл мэнд
Хөлийн булчин зангирч, шөрмөс татах нь нэг байрлалаар хэт удаан зогсох, суух, өндөр өсгийтэй гуталтай удаан явснаас үүдэлтэй. Заримдаа хэдэн цагийн дараа эсвэл унтаж байгаа үед булчин зангирч өвдөх нь шингэний дутагдалд орох, энергийн тэнцвэргүй байдалд орсонтой холбоотой байдаг.
Түүнээс гадна эстроген болон ясны сийрэгжилтээс хамгаалах эм бэлдмэл хэрэглэх нь булчин зангирч өвдөх бас нэг шалтгаан юм. Мөн артерийн судасны нарийсал, бөглөрөл нь хөлийн судасны цусны эргэлтийг удаашруулж байдаг.
Хөлийн булчин зангирахаас сэргийлэхийн тулд шингэн сайн ууж, шингэний дутагдалд орохгүй байх, кальци, магни, калигаар баялаг хүнс, гадил, шош, ногоон хүнсний ногоо байнга хэрэглэх хэрэгтэй.
Түүнчлэн булчин зангирахаас сэргийлж намхан ултай, тулгуур сайтай гутал өмсч байх, олон цагаар алхаж, сууж, дасгал хийж, өндөр өсгийтэй гутал өмссөний дараа хөлөө тэнийлгэн, сунгалтын дасгал хийж байх нь зүйтэй.
Холбоотой мэдээ
